Անհետ կորած զինծառայողի հարազատ Արսեն Ղուկասյանը դատարանի որոշմամբ կալանավորվել է 1 ամիս ժամկետով:

Այս մասին տեղեկությունը «Հայկական ժամանակ»-ի հետ զրույցում հաստատել են Քննչական կոմիտեից՝ նշելով, որ քրեական վարույթի նախաքննության ընթացքում 1 անձի նկատմամբ որպես խափանման միջոց կիրառվել է կալանքը:

Նշենք՝ սեպտեմբերի 29-ին ՊՆ շենքի մոտ տեղի ունեցած քաշքշուկի առթիվ ՊՆ և ՌՈ ծառայողների հաղորդման հիման վրա նախաձեռնված վարութի շրջանակներում ձերբակալվել էին անհայտ կորած անձանց հարազատներ Արսեն Ղուկասյանը և Ապիջան Սարգսյանը:

Նրանք սեպտեմբերի 29-ին հանդիպում էին պահանջում ՊՆ մի քանի պաշտոնյայի հետ։