Այսօր՝ սեպտեմբերի 24-ին, վրաերթ է տեղի ունեցել Երևանում։ Ժամը 21։20-ի սահմաններում «MAN» մակնիշի թիվ 74 երթուղին սպասարկող, Երևանի քաղաքապետարանի հաշվեկշռում հաշվառված ավտոբուսը Խաղաղ Դոնի փողոցում վրաերթի է ենթարկել հետիոտնին։ Այս մասին հայտնում է ֆոտոլրագրող Գագիկ Շամշյանը:
     Վարորդը փախուստի չի դիմել, տեղում առաջին բուժօգնություն է ցուցաբերել, ապա զանգել շտապօգնություն։

Օպերատիվորեն ժամանած շտապօգնության հերթապահ բժիշկների խումբը վիրավորին տեղափոխել է «Էրեբունի» բժշկական կենտրոն։
     Վարորդը ենթարկվել է սթափության փորձաքննության, եղել է սթափ։
     Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդի և վրաերթի ենթարկվածի ինքնությունը։

Թիվ 74 երթուղին սպասարկում է Դավթաշեն 4-րդ թաղամասից մինչև Էրեբունի թանգարան։
     Առավել մանրամասն` սկզբնաղբյուրում: