Ա Սերիայի 7-րդ տուրում Միլանի «Ինտերը» Անժ-Յոան Բոնիի գոլի շնորհիվ նվազագույն հաշվով հաղթեց «Ռոմային»։ «Ներաձուրիների» կազմում ամբողջ խաղին մասնակցեց հայ կիսապաշտպան Հենրիխ Մխիթարյանը։

Հայ ֆուտբոլիստի խաղն իտալական և միջազգային լրատվականները գնահատել են բարձր բալերով։ Ըստ Calcio Mercato-ի՝ Մխիթարյանը ստացել է 7,5 գնահատականը։

«Դարպասի մոտ նա հաջողություն չունեցավ․ սկզբում վատ հարված կատարեց, իսկ երկրորդ խաղակեսում գնդակը դիպավ դարպասաձողին։ Մնացած առումներով նա հսկա է, դև, որը տիրում է դաշտի կենտրոնական հատվածում՝ անցնելով կիլոմետրեր և խլելով բազմաթիվ գնդակներ։ Իսկական մասնագետ»։