«Այս գործընթացներից՝ կլինի դա հայտարարություն, կլինի դա վարչապետին անվստահություն հայտնելու օրենքով սահմանված ընթացակարգ՝ բացակայում է ժողովուրդը: Երբ ժողովուրդը կգա, այն ժամանակ եկեք»,- ԱԺ պետաիրավական հարցերի մշտական հանձնաժողովի նիստում անդրադառնալով «Պատիվ ունեմ» խմբակցության ներկայացրած նախագծին՝ ասաց ՔՊ խմբակցության պատգամավոր Արուսյակ Ջուլհակյանը:

Ջուլհակյանի խոսքով՝ 2021 թվականի ընտրություններին «Պատիվ ունեմ» դաշինքը ստացել է 66 հազար 650 ձայն, ՔՊ-ն ստացել է 688 հազար 761 ձայն. «Դուք ավելի քան տասն անգամ ավելի քիչ ձայն եք ստացել և նույնիսկ անցողիկ շեմը չեք հաղթահարել: Ձեզ մերժել են, քանի որ նույնիսկ անցողիկ շեմը չեք հաղթահարել: 2022 թվականի ապրիլին դուրս եք եկել փողոց, դրանից հետո աշնանը, հետո հաջորդ գարնանը, այդ բոլոր ձեր շարժումների ժամանակ դուք նույնիսկ ձեր ստացած ձայների 10 տոկոս ժողովրդին չեք կարողացել կոնսոլիադացնել փողոցում, չեք կարողացել ցույց տալ, որ ժողովուրդը եկել և ձեր կողքին է կանգնել, որ մենք ասենք՝ ժողովուրդը եկավ, մենք պետք է հեռանանք: Ժողովրդի մանդատը չունեք, այս քննարկումը խիստ վաղաժամ է, խնդրում եմ սպասեք ժողովրդին, եթե ձեզ կհաջողվի մինչև խորհրդարանական ընտրություններ, եկեք՝ այս քննարկումը կունենանք:

Ընտրությունները ցույց են տվել, որ ի տարբերություն ձեր իշխանության տարիներին՝ իշխանություն ձևավորել այս պահի դրությամբ լոկալ մակարդակով հնարավոր է ընտրությունների միջոցով: Դիմեք ժողովրդին, իշխանությունը պատկանում է ժողովրդին»: