«Բարսելոնան» X-ում գրառում է հրապարակել՝ ի պատիվ արգենտինացի Լիոնել Մեսսիի՝ թիմի կազմում նորամուտի 21-րդ տարելիցի։ Դա տեղի է ունեցել 2004/2005 մրցաշրջանի Իսպանիայի առաջնության 7-րդ տուրի «Էսպանյոլի» հետ խաղում (1:0)։ Այս մասին գրում է ArmSport.am-ը։

Մեսսին խաղադաշտ է դուրս եկել 82-րդ րոպեին՝ փոխարինելով Դեկուին։ Արգենտինացին խաղացել է ընդամենը ութ րոպեից մի փոքր ավելի՝ չնշանավորվելով արդյունավետ գործողություններով։

«Չգիտեինք, թե ինչ է մեզ սպասվում»,-գրված է հաղորդագրության մեջ։

Ընդհանուր առմամբ, Մեսսին «Բարսելոնայի» կազմում անցկացրած 778 խաղում դարձել է 672 գոլի և 303 գոլային փոխանցման հեղինակ։ Նաև արգենտինացին թիմի հետ նվաճել է 35 տիտղոս, այդ թվում՝ 10 չեմպիոնական տիտղոս Իսպանիայում և Չեմպիոնների լիգայի չորս գավաթ։

Այժմ Մեսսին հանդես է գալիս MLS-ի «Ինտեր Մայամիում»։