Չինական ավիաընկերության Airbus A321 ինքնաթիռում, որը թռիչք է կատարել Հանճոուից Սեուլ, հրդեհ է բռնկվել։

Նախնական տվյալներով հրդեհի պատճառ է դարձել ուղևորներից մեկի մոտ եղած արտաքին մարտկոցի (powerbank) բռնկումը։

Արտակարգ իրավիճակը տեղի է ունեցել թռիչքի ժամանակ՝ մոտ 10 կիլոմետր բարձրության վրա։ Ծուխն արագ սկսել է տարածվել ինքնաթիռի սրահում։ Ինքնաթիռի անձնակազմը որոշում է կայացրել հարկադիր վայրէջք կատարել Շանհայ-Պուդունգ օդանավակայանում, իսկ բորտուղեկցորդուհիներին հաջողվել է մարել հրդեհը մինչև վայրէջքը։

Նախնական տվյալներով՝ միջադեպի հետևանքով ոչ ոք չի տուժել։