Դատախազները դատավորին կոչ են արել պրոդյուսեր Փի Դիդիին դատապարտել ավելի քան 11 տարվա ազատազրկման՝ մարմնավաճառություն և բռնություն կազմակերպելու համար, հայտնում է Associated Press-ը:

Պի Դիդիի պաշտպանությունը, ընդհակառակը, խնդրում է նշանակել առավելագույնը 14 ամիս ազատազրկում՝ վկայակոչելով այն փաստը, որ Քոմբսն արդեն ճաղերի հետևում է անցկացրել գրեթե 13 ամիս:

Հիշեցնենք՝ ամեն ինչ սկսվեց 2023 թվականի նոյեմբերին, երբ Կասանդրա Վենտուրան՝ Կոմբսի նախկին ընկերուհին, առաջին անգամ խոսեց նրա կողմից արված բռնության մասին։

2024 թվականի մայիսին CNN-ը ջախջախիչ հարված հասցրեց Քոմբսի հեղինակությանը։ Հեռուստաալիքը ցուցադրեց 2016 թվականի ցնցող տեսանյութը, որտեղ ռեփերը հյուրանոցում դաժանորեն ծեծում է իր ընկերուհուն:

Նրա դեմ ապացույցներ ի հայտ եկան, երբ  ոստիկանները խուզարկելով Կոմբսի շքեղ առանձնատները, հայտնաբերցին թմրանյութեր, չգրանցված զենքեր և մանկական յուղ:

New NN.ru-ի տվյալներով՝ 2024 թվականի սեպտեմբերի 16-ին Շոն Քոմբսը ձերբակալվել է Նյու Յորքում։ Նրան մեղադրանք է առաջադրվել հանցավոր համայնք ստեղծելու, մարդկանց թրաֆիքինգի և սեռական շահագործման մեջ։