Վաղարշապատում «Հանրապետություն» կուսակցության թեկնածու Հարություն Մկրտչյանը հույս ունի, որ վաղարշապատցիներն իրենց քվեով իրեն կգործուղեն քաղաքապետարան, որպեսզի զբաղվի քաղաքի խնդիրներով: Նա իրեն համարում է, իր բառերով ասած, վաղարշապատցիների տան տղեն:

Ինչ վերաբերում է հնարավոր կոալիցիաներին, վերջինս ասում է. «Ես պատասխանատու կերպով հայտարարում եմ, որ մի ձեռքով ձեռքս կկտրեմ, մյուսն էլ կտրել կտամ, բայց քոչարյանասերժական և ՌԴ-ից սնվող խամաճիկային կուսակցությունների ձեռքը չեմ սեղմի: Վարդանիկին պաշտպանած, Վարդանիկի արժեհամակարգը կրող գործիչը մի քանի օր կամ քանի ամիս հետո վերածվելու է տեղական Վարդանիկի: Ես Ռոբերտ Քոչարյանի կեղտոտ փողերի հետ չեմ կարող մրցակցել, և իզուր չէ, որ ես նրա գրպանային թեկնածուն չեմ, ոչ էլ նրա գրպանը մտած թեկնածուն եմ»,- ասում է նա, ապա հավելում. «Քարոզարշավ էի իրականացնում, երեխաները մոտեցան, ասեցին՝ համար 1, համար 1, ասում եմ՝ երեխե՛ք ջան, ո՞վ ա համար 1-ը՝ քեռի՞ն ա, հոպա՞րն ա, հայրի՞կն ա, պապայի ընկե՞րն ա, ասում են՝ ո՛չ, համար 1-ը մեզ քյաբաբ է առել․ սա քաղաքական ժուլիկություն է»:

Ըստ Մկրտչյանի՝ այս ուժերը խնդիր են դրել Վաղարշապատի բնակիչներին մոլորեցնել, դրանից հետո ձեռք սեղմել և քաղաքը զավթել, հետո պետությունը քարշ տալ Միութենական պետություն. «Մեր քաղաքացիներն առաջին հերթին քաղաքակրթական ընտրություն պետք է անեն՝ գուբերնիա դարձա՞ծ, թե՞ ազատ ու անկախ քաղաք են ուզում»:

Հարություն Մկրտչյանը չի փոխել իր տեսակետը՝ կապված Գարեգին Բ-ի հետ. «Ես քաղաքական շառլատան չեմ. Կտրիճի հետ կապված իմ հայտարարությունները փոփոխման ենթակա չեն: Վաղարշապատցիները Կտրիճ Ներսիսյանին լավ են ճանաչում»:

Առավել մանրամասն՝ «Հայկական ժամանակ»-ի հետ հարցազրույցում: