Աշխատանքի և սոցիալական հարցերի նախարար Արսեն Թորոսյանը «Ֆեյսբուք»-ի իր էջում գրառում է կատարել՝ անդրադառնալով ՀՀ-ում իշխանությունը զավթելու և սահմանադրական կարգը տապալելու հրապարակային կոչեր հնչեցնելու, ինչպես նաև փողերի լվացման մեղադրանքով կալանավորված Սամվել Կարապետյանի եղբոր որդու՝ Նարեկ Կարապետյանի այն հայտարարությանը, թե դպրոցներ ու ճանապարհներ կառուցելու փոխարեն պետք է գործարաններ կառուցել:

«Ձևիստների «գործարա՞ն», թե՞ «դպրոց» բանավեճը լսելիս մի հին անեկդոտ հիշեցի.

մի պապիկ թոռնիկի հետ խաղալիս ասում է՝ իմանայի թոռնիկն այսքան համով բան է, միանգամից թոռնիկ կունենայի…»,- գրել է Թորոսյանը՝ գրառմանը կցելով #ՁերՁևով #ԽելքներիդՁյունԳա հեշթեգերը: