Ուրախ էի ներկա լինել Եղվարդում մարզային նշանակության ակնաբուժական կլինիկայի բացմանը: Այն նոր որակով ծառայություններ է մատուցելու Նաիրի համայնքի և գյուղական բնակավայրերի մոտ 46 000 մեր քաղաքացիներին:

Այս մասին «Ֆեյսբուք»-ի իր էջում գրել է առողջապահության նախարար Անահիտ Ավանեսյանը:

Նախկինում գործող 9 բուժծառայություններն ավելացել են՝ հասնելով 23-ի:

Տրամադրվելու է նաև դժվարամատչելի 8 հետազոտություն, որոնցից են.

Աչքի ԿՏ հետազոտություն
Ակնային սոնոգրաֆիա
Կերատոպոգրաֆիա
Պերիմետրիա
Գոնյոսկոպիա:
«Կլինիկայի գերժամանակակից հագեցվածությունը թույլ է տալիս մարզում կատարել բարդ հետազոտություններ` տեսադաշտի որոշում, ակնահատակի և ցանցաթաղանթի հետազոտություն, տեսողական նյարդի վիճակ, աչքի եղջերաթաղանթի պատկերի որոշում և այլն:

Այս ծառայությունների մի մասն արդեն իրականացվում է պետական պատվերով, մյուս մասի համար` բուժհաստատությունը դիմել է օֆերտայի մեր ծրագրին, այն հնարավորություն կտա պետպատվերի շահառու հանդիսացող մեր քաղաքացիներին անվճար օգտվել բուժծառայություններից:

Շնորհակալ եմ մեր լավ գործընկեր «Հայկական ակնաբուժական նախագիծ» հիմնադրամի գործընկերներին`մարզաբնակ մեր քաղաքացիների կարիքներին արագ արձագանքելու գործում մեր կողքին լինելու համար»,- գրել է նախարարը: