«Երևանի մետրոպոլիտենի ենթակառուցվածքների նորոգման համար 2026 թ․-ի պետական բյուջեով նախատեսվում է տրամադրել 2.5 մլրդ դրամ»:

ԱԺ-ում 2026 թվականին նախնական բյուջեի քննարկման ժամանակ այս մասին հայտնել է ՀՀ տարածքային կառավարման և ենթակառուցվածքների նախարար Դավիթ Խուդաթյանը՝ հավելելով, որ նոր կայարանի կառուցման համար կտրամադրվի 2 մլրդ դրամ։

«Ուղևորափոխադրման ծառայությունների գծով լիազորությունների իրականացման համար նախատեսվում է տրամադրել 1 մլրդ դրամ։ Բոլոր 3 ծրագրերի իրականացման համար նախատեսված է տրամադրել 5.5 մլրդ դրամ»,- ասել է Խուդաթյանն ու հավելել, որ նոր կայարանի կառուցման համար գումար է հատկացվում «Քաղաքային զարգացում ծրագրի» շրջանակում, որի ընդհանուր արժեքը 16.6 մլրդ դրամ է։

Հաջորդ ծրագիրը Իսակով-Արշակունյաց ճանապարհահատվածի կառուցումն է, որին կհատկացվի 7 մլրդ դրամ։