«Հանրապետություն» կուսակցության քաղաքական խորհրդի անդամ Անահիտ Ադամյանը, «Հայկական ժամանակ»-ի հետ հարցազրույցում անդրադառնալով իրավապահ համակարգի կողմից Արագածոտնի թեմում իրականացված խուզարկություններին և հոգևորականների ձերբակալություններին, ասում է՝ չգիտես ինչու, մեզանում ընդունված է մտայնություն, որ հանրության մեջ կարող են լինել մարդիկ, որոնք ունեն միայն իրավունքներ, բայց չունեն պարտականություններ:

Ադամյանը հարցադրում է անում՝ որքանով է ճիշտ այն փաստը, որ եկեղեցականները պետք է մտնեն քաղաքականություն, պետք է ենթարկվեն Ռուսաստանի Դաշնությանը և տեղավորվեն ՌԴ-ի կողմից ՀՀ-ի դեմ մղվող հիբրիդային պատերազմի շրջանակներում ու իրենց պետության դեմ դուրս գան, և դա մնա անպատիժ. «Բացարձակապես կարևոր չէ՝ որ սրբազանն է, որ թեմի առաջնորդն է, ում բարեկամն է, ում եղբոր որդին, խնդիրը դուրս բերեք անձնական հարթությունից.

Չի կարող եկեղեցականը պետության դեմ դուրս գալ, դուրս է գալիս՝ եկեղեցական չպետք է լինի»:

Ըստ Ադամյանի՝ եթե դեռ անցած տարի, երբ սկսում էր տարբեր սակրալ շարժումները, տարբեր հոգևորականներ զգում էին իրենց մեջ ոչ թե Հիսուսին, այլ Կայիափային, այդ ժամանակ, մեղմ ասած, պետք է փիլոնազրկվեին:

Նրա խոսքով՝ Եկեղեցին դուրս է եկել ինքնիշխանության դեմ՝ չհասկանալով քրիստոնեության բուն էությունը, որովհետև Հիսուսը երբեք իր ժողովրդին չէր տանում դեպի ստրկություն, տանում էր դեպի ազատություն․ Հիսուսը ազատության Աստվածն է:

Առավել մանրամասն՝ տեսանյութում։