Եթե Իրանում քшոս սկսվեց, հազրավոր ադրբեջшնախոս փախստшկաններ կարող են լցվել Սյունիք. Բենիամին Պողոսյան

Եթե Իրանում քաոս սկսվեց, հազարավոր ադրբեջանախոս փախստականներ կարող են լցվել Սյունիք։ Այս մասին NEWS.am–ի հետ զրույցում նշեց «APRI Արմենիա» վերլուծական կենտրոնի ավագ գիտաշխատող Բենիամին Պողոսյանը։

«Գաղտնիք չէ՝ Իսրայելն արդեն երկար ժամանակ օգտագործում է Ադրբեջանի տարածքն Իրանի դեմ տարատեսական գործողություններ իրականացնելու համար։ Խոսքը թե հետախուզական աշխատանքներին է վերաբերում, թե որոշակի հավաքագրումներին։ Ակնհայտ է, որ Ադրբեջանը օգտագործվել է, օգտագործվում է եւ կօգտագործվի Իրանի դեմ։ Չի բացառվում՝ Իրանում անջատողական շարժումներ կբորբոքվեն, որը երկիրն ավելի կթուլացնի եւ դանդաղ կքայքայի պետական կառույցները։ Պարզ է, որ Իսրայելի հարվածների մեծ մասն ուղղված չէ միջուկային օբյեկտներին, ավելի շատ տեսնում ենք հարվածներ ռազմավարական եւ տնտեսության համար կարեւորության օբյեկտներին, զինվորական բարձրաստիճան ղեկավարության վրա։ Տպավորություն է՝ Իսրայելի խնդիրը Իրանի պետական համակարգի փլուզումն առաջ բերելն ու Իրանում քաոս առաջացնելն է՝ դարձնելով Աֆղանստան, Իրաք։ Այս համատեքստում ցանկացած անջատողական շարժում բխում է Իսրայելի շահերից։ Եվ չի բացառվում, որ եթե Իրանում քաոս սկսվեց, հազարավոր ադրբեջանախոս փախստականներ կարող են լցվել Սյունիք»,– ասաց փորձագետը։

Մանրամասները՝ տեսանյութում։