Հոկտեմբերի 30-31-ը Բեռլինում անցկացվել են Հայաստան-Գերմանիա միջկառավարական բանակցությունները, որի ընթացքում քննարկել և կողմերը հանձնառություններ են ստանձնել կայուն տնտեսական զարգացման, վերականգնվող էներգիայի և էներգետիկ արդյունավետության, խաղաղ և ներառական հասարակություն, արդյունավետ կառավարման, բնապահպանական խնդիրների, բնական ռեսուրսների պահպանության ոլորտում առաջիկա երկու տարում կատարվելիք ծրագրերի վերաբերյալ:

Այս մասին հայտնել է Գերմանիայում ՀՀ դեսպանությունը:

Բանակցությունների արդյունքում ստորագրվել է համատեղ արձանագրություն, որով ամրագրվել է, որ վերը նշված հանձնառությունների կատարման նպատակով Գերմանիան Հայաստանին կտրամադրի 130 մլն եվրո արտոնյալ վարկային միջոց և 22 մլն եվրո դրամաշնորհ։