Ղազախստանի արտաքին գործերի նախարար Երմեկ Կոշերբաևը մեկնաբանել է ՀՀ վարչապետ Նիկոլ Փաշինյանի՝ սոցցանցերում «սրտիկելու» թրենդը։

«Յուրաքանչյուր մարդ ունի, ինչպես դուք եք ասում, իր «վայբը»: Սա հետաքրքիր է, հաճելի և ցույց է տալիս նրա մարդկային կողմը։ Բոլորը սովոր են, որ առաջնորդը խիստ լինի։ Մեր նախագահն էլ, հիշում եք, ինչպես է կոտրել տախտակը և այլ բաներ արել։ Սա նույնպես նրա վայբն է՝ իր տեսակի մեջ», – ասել է Կոշերբաևը։

Նրա խոսքով՝ ղազախ պաշտոնյաներն էլ կարող են նման բան իրենց թույլ տալ։

«Իհարկե, կարող են, փորձեք հարցնել նախարարներին։ Մեր ակիմները (գործիչները), ինչպես տեսնում եք, իրենց սոցիալական էջերում թույլ են տալիս նմանատիպ բաներ», – նշել է նա՝ հավելով, որ նրանք իրենց ընկերների շրջանում, անձնական հանդիպումներում ևս ունեն իրենց կատակները և հումորները։