ՀՀ ԱԺ «Քաղաքացիական պայմանագիր» խմբակցության պատգամավոր Սոնա Ղազարյանը, «Հայկական ժամանակ»-ի հետ զրույցում անդրադառնալով իրավապահների կողմից Արագածոտնի թեմում իրականացված խուզարկություններին ու ձերբակալություններին, նշում է՝ չի ուզում շտապել որևէ գնահատական տալ իրավապահների գործողություններին, բայց տեսնում է, որ կարմիր գծով քննադատություն են, որ ահա սա հերթական հարձակումն է Առաքելական եկեղեցու վրա, սպասավորների վրա, փորձում են քաղաքական գնահատական տալ, բայց ինչպես նախկինում, օրինակ, սպա լինելու հանգամանքը չէր կարող լինել պաշտպանիչ հանգամանք որևէ հանցագործի համար, այդպես էլ վեղարի առկայությունը չի կարող փրկել որևէ մեկին։

Ղազարյանի խոսքով՝ ՀՀ բոլոր քաղաքացիները հավասար են օրենքի առաջ, և ազգային հերոսի առկայությունը, վեղարի առկայությունը չեն կարող մեղմացուցիչ հանգամանք լինել որևէ մեկի համար։

Անդրադառնալով Սամվել Կարապետյանի օտարերկրացի փաստաբան Ռոբերտ Ամստերդամի այն հայտարարությանը, որում նա ասում է, թե Հայաստանին գրոհելու են ամենօրյա ռեժիմով, մինչև Կարապետյանին չազատեն, Սոնա Ղազարյանը նշում է, որ պարոն Ամստերդամը համալրել է Հայաստանի դեմ պայքարողների հայկական թիմը․ «Որովհետև ակնհայտ է, որ հայ պետականության դեմ հուժկու պայքար է մեկնարկել, որոշները գլխավորում են նախկին նախագահները՝ կեղծ ցուցմունքներ տալով ՀՀ-ի դեմ, և հիմա տեսնում ենք, որ այս ցանկը նաև համալրեց ոմն փաստաբան՝ Ամստերդամը։ Կարծում եմ, որ նա ուղղակի արտահայտում է այն, ինչ արտահայտում է, այսպես կոչված, «Մեր ձևով» շարժումը․ սա «Մեր ձևով» շարժման նպատակների հակիրճ նկարագրությունն է, իրենք պայքարում են ՀՀ ինքնիշխանության և սուվերենության դեմ»։

Ղազարյանը առաջարկում է Կարապետյանի ողջ ընտանիքին քիչ հանդես գալ հայտարարություններով՝ ելույթներով, որովհետև ակնհայտ է դառնում, որ այս մարդիկ չունեն քաղաքական միտք, և նպատակը մեկն է՝ ուղղորդված հանրապետությունների կողմից գալ և փորձել քաոս ստեղծել ՀՀ-ում՝ վնասելով մեր ինքնիշխանությանը։

Առավել մանրամասն՝ հարցազրույցում․