ԱՄՆ պետքարտուղար Մարկո Ռուբիոն մեկնաբանել է Գազայում պատերազմը դադարեցնելու շուրջ բանակցությունների ընթացքը. «Հուսով եմ՝ շատ արագ կհասնենք համաձայնության: ՀԱՄԱՍ-ը, ըստ էության, համաձայնության է եկել այն հարցում, թե ինչ է տեղի ունենալու Գազայում պատերազմից հետո: ՀԱՄԱՍ-ի զինաթափման փուլը բարդ կլինի: Շուտով կիմանանք, թե որքան լուրջ են այդ շարժման մտադրությունները»,- ասել է նա։

Ավելի վաղ Թրամփը սոցկայքի իր էջում գրել էր, որ Իսրայելը համաձայնել է զորքերը վերադարձնել սկզբնական դիրքեր․ «Երբ ՀԱՄԱՍ-ը հաստատի սա, հրադադարն անմիջապես ուժի մեջ կմտնի, կսկսվի պատանդների և գերիների փոխանակումը»,- նշել էր նա։