Պաշտպանունակ բանակ ունենալը մեր ռազմավարական խնդիրն է: Վերջին տարիներին բանակում այնպիսի բարեփոխումներ ու զարգացումներ են տեղի ունեցել, որոնք աննախադե են ոչ միայն ծավալով, այլև բովանդակությամբ:

Այս մասին հայտարարեց վարչապետ Նիկոլ Փաշինյանը՝ «Քաղաքացիական պայմանագիր» կուսակցության 7-րդ համաժողովի ժամանակ:

«Բանակի բարեփոխումների մեր ռազմավարության կարևոր նորություններից մեկն այն է, որ մենք որոշել ենք հրաժարվել թմբկահարելու երբեմնի տրամաբանությունից: Հայաստանի Հանրապետության բանակը զարգանում է լուռ և հետևողականորեն: Բայց ռազմավարական, քաղաքական մակարդակում մենք պետք է հստակ արձանագրենք, թե ինչ նպատակի համար է մեզ հարկավոր բանակը, քաղաքական ինչ խնդիր լուծելու համար է դա պետք:

Եվ այստեղ էլ մենք հենվում ենք Իրական Հայաստանի գաղափարախոսության վրա: Մեզ համար հայրենիքը Հայաստանի Հանրապետությունն է՝ իր միջազգայնորեն ճանաչված սահմաններով»: