Հայկական քաղաքական դաշտում «մոդայիկ է» սեփական ժողովրդի վրա չհենվելը և բոլորին «զարմացնելը» դրսի կապերով
Քաղաքագետ Լիլիթ Դալլաքյանը «Ֆեյսբուք»-ի իր էջում գրառում է կատարել՝ գրելով, որ Հայաստանում տարիներ շարունակ գործում է մի արատավոր և հայ ժողովրդի համար վիրավորական քաղաքական խոսույթ. «մենք ունենք աջակցություն Մոսկվայից», «մենք ունենք աջակցություն Վաշինգտոնից», «մեզ միացել է այս կամ այն հայտնի մարդը (որը կապ չունի Հայաստանի հետ)»։
Ապա Դալլաքյանը նկատել է. «Որևէ կայացած երկրում եթե քաղաքական ուժերից մեկը մրցի այս կամ այն կենտրոնի հովանավորության համար, դա կլինի այդ ուժի քաղաքական գործունեության իրավական և բարոյական ավարտը։ Հայկական քաղաքական դաշտում «մոդայիկ է» սեփական ժողովրդի վրա չհենվելը և բոլորին «զարմացնելը» դրսի կապերով։
Քաղաքական գործիչը Հայաստանում պետք է հենվի և հղում անի միայն հայ ժողովրդի վրա և փորձի առավելագույնս համապատասխանել ժողովրդի լայն շրջանակների պահանջներին։ Մնացածը էժանագին և չաշխատող թիթիզություն է»:
#Հայկական #քաղաքական #դաշտում #մոդայիկ #սեփական #ժողովրդի #վրա #չհենվելը #բոլորին #զարմացնելը #դրսի #կապերով