Ամերիկացի հայտնի դերասան Ջեսի Այզենբերգը, ով հայտնի է դարձել «Սոցցանց» եւ «Խաբեության խաբկանքը» կինոնկարներում մարմնավորած կերպարներով, Today պարբերականի հետ զրույցում հայտարարել է, որ անծանոթ մարդու համար երիկամի դոնոր է դառնալու։ «Ես իրոք երիկամի դոնոր եմ դառնալու վեց շաբաթից։ Ինձ դոնորության վիրուսն է կծել»,- ասել է Այզենբերգը։

Նշենք, որ Այզենբերգի դոնորությունը համարվում է ալտրուիստական դոնորություն, երբ անձը կամավոր կերպով իր երիկամը նվիրում է անծանոթ մարդուն, ով տառապում է երիկամային արագ զարգացող հիվանդությամբ։ Այսպիսի դոնորները նաեւ կոչվում են ոչ թիրախային, քանի որ նվիրաբերած օրգանը չի ենթադրում, թե կոնկրետ ազգականի կամ բարեկամի, կամ մտերիմի ու ծանոթի համար է, ով փոխպատվաստման կարիք ունի։ Այզենբերգn ասել է, որ իր կատարելիք դոնորությունը գործնականում անվտանգ է եւ շատ անհրաժեշտ։