Հերթական մտացածին հոդվածը ԱՍՀ նախարարի՝ Սյունիք կատարած այցի վերաբերյալ. նախարարությունը պարզաբանել է
ՀՀ աշխատանքի և սոցիալական հարցերի նախարարության խոսնակ Նվեր Կոստանյանը «Ֆեյսբուք»-ի իր էջում անդրադարձել է «Հրապարակ» օրաթերթի հոդվածին:
«Հերթական մտացածին հոդվածն են գրել Աշխատանքի և սոցիալական հարցերի նախարար Արսեն Թորոսյանի՝ Սյունիք կատարած աշխատանքային այցի վերաբերյալ։
Ուզում եմ նախ նշել, որ Արսեն Թորոսյանի մարզային այցերը կրում են և կրելու են պարբերական բնույթ։ Սյունիքում նախարարը եղել է Գորիսում, Կապանում և Մեղրիում նախարարության ենթակայության ներքո գտնվող հաստատություններում, ինչի մասին հրապարակումներ են արվել նաև նախարարության պաշտոնական էջում։
Լրատվամիջոցին կոչ կանեմ հոդվածներ հորինելուց առաջ ավելի լավ ուսումնասիրել նախարարության պաշտոնական հարթակների բովանդակությունն ու զերծ մնալ աշխատանքային գործունեության մեջ սենսացիաներ փնտրելու մոլուցքից»,- ասվումէ գրառման մեջ:
Նշենք՝ «Հրապարակ» օրաթերթի հոդվածում ասվում է, որ Արսեն Թորոսյանը Սյունիք է այցելել, մարզկենտրոն Կապանում, իբր, կուսակցական հավաք է կազմակերպել, որը երեկոյան 7-ին է եղել:
Նաև նշվում է, թե նախարարը Սյունիք է մեկնել ավելի վաղ՝ աշխատանքային ժամերին, բայց իր էջում նախարարության ենթակայությամբ գործող որեւէ հիմնարկ այցելության վերաբերյալ ինֆորմացիա չի տեղադրվել, այնինչ նախարարության էջում մի քանի հաղորդագրություն կա այցերի վերաբերյալ:
#Հերթական #մտացածին #հոդվածը #ԱՍՀ #նախարարի #Սյունիք #կատարած #այցի #վերաբերյալ #նախարարությունը #պարզաբանել,