ՀԷՑ-ի մարզային ցանցերից մեկում բացահայտվել է շուրջ 727 հզր կՎտ/ժ հավելագրում. Ռոմանոս Պետրոսյան
ՀԷՑ-ի ժամանակավոր կառավարիչ Ռոմանոս Պետրոսյանը սոցցանցի իր էջում շարունակում է հանրայնացնել արձանագրված ապօրինություններն ու հավելագրումները:
«ՀԷՑ-ի տարբեր մասնաճյուղերում իրականացվող թիրախային վերահսկողության եւ հասցեական ստուգումների արդյունքերով մինչ օրս բացահայտվել են տասնյակ հազարավոր կՎտ.ժ էլեկտրաէներգիայի քանակի հաշվառման հետ կապված բազմաբնույթ իրավախախտումներ եւ մեքենայություններ, այդ թվում.
Սպառված էլ.էներգիայի հավելագրումներ՝
• ֆիզիկական անձ սպառողների հաշվին,
• բյուջետային հիմնարկների հաշվին,
• տնտեսվարող սուբյեկտների հաշվին եւ այլն
Ինքնավար էլեկտրաարտադրողների (արեւային կայանների) կողմից արտադրված եւ բաշխիչ ցանց հետ մղված էլ.էներգիայի թերգրանցումներ։
Բաշխիչ ցանցում առկա իրական տեխնիկական կորուստների «արհեստական» նվազեցում եւ խեղաթյուրված (կեղծված) տվյալների փաստաթղթավորում եւ այլն…
Սակայն օրերս ականատես եղանք առաջին հայացքից շատ ավելի աբսուրդային թվացող առերեւույթ իրավախատման փաստի, որը դարձյալ, ըստ իս, կարող է համակարգային բնույթի մեքենայություն հանդիսանալ ՀԷՑ-ի այլ մասնաճյուղերում եւս.
ՀԷՑ-ի մարզային ցանցերից մեկում բացահայտվել է շուրջ 727,000 կՎտ.ժ քանակի էլ.էներգիայի հավելագրում ցանցի սեփական կարիքների համար նախատեսված (վերահսկողական նպատակով) էլ.էներգիայի հաշվառման հաշվիչների վրա, ինչն ըստ պատասխանատու աշխատակիցների՝ իրականացվել է «անմիջական վերադասի» ուղիղ ցուցումով։
Իսկ թե ի՞նչ նպատակ են հետապնդել՝ այդ հերթական «մեքենայությունն» իրենց ձեւով «մոգոնելիս» եւ կյանքի կոչելիս՝ թողնում եմ ձեր երեւակայությանը. ինքս կարող եմ ենթադրել իհարկե, բայց եւ վստահ եմ՝ նախաքննական մարմինները կգտնեն բոլոր այս եւ մյուս՝ նմանատիպ հարցերի պատասխանները։
ՀԷՑ-ը պետք է ծառայի մեր ժողովրդին»,- գրել է Պետրոսյանը։
#ՀԷՑի #մարզային #ցանցերից #մեկում #բացահայտվել #շուրջ #հզր #կՎտժ #հավելագրում #Ռոմանոս #Պետրոսյան