Ինչու է 6-րդ դասարանի երեխան մանրամասն ուսումնասիրում հնդկական հեքիաթներ և առասպելներ․ մի՞թե մեր ժառանգությունն այդքան աղքատ է
«Ձեռքդ տուր» համայնքային զարգացման ՀԿ նախագահ Կարինե Թորոսյանը ֆեյսբուքյան իր էջում գրել է․
«Հարգելի տիկին Անդրեասյան,
Կուզենայի հասկանալ՝ ինչու է 6-րդ դասարանի երեխան «Իմ հայրենիքը» առարկայի շրջանակում մանրամասն ուսումնասիրում հնդկական հեքիաթներ, հնդկական աստվածների պատմություններ և առասպելներ։
Ավելին՝ գրքում ուղղագրական անթույլատրելի սխալներ կան․ օրինակ՝ դ հոդի փոխարեն օգտագործված է տ («միտքտ»), բացակայում են գծիկներ (կռիվ կռիվ), և այս ամենը ներկայացվում է որպես ուսումնական նյութ։
Անկեղծ ասած՝ դժվար է հավատալ, որ այս գրքերը մասնագետների կողմից են կազմված։ Ինչպե՞ս կարելի է հայրենասիրություն և լեզվամտածողություն ձևավորել երեխաների մոտ այնպիսի նյութերով, որտեղ խեղաթյուրված է և՛ լեզուն, և՛ բովանդակության էությունը։
Միթե մեր մշակույթը, գրականությունն ու ժողովրդական ժառանգությունը այնքան աղքատ են, որ պետք է մեր երեխաներին հնդկական աստվածների մասին պատմություններով սովորեցնենք սիրել իրենց հայրենիքը՞։
Խնդրում եմ Ձեզ բազմաթիվ ծնողների խնդրանքով` վերանայել գրքի բովանդակությունը։
Ապացույցները կտեղադրեմ մակնաբանությունում»։
#Ինչու #6րդ #դասարանի #երեխան #մանրամասն #ուսումնասիրում #հնդկական #հեքիաթներ #առասպելներ #միթե #մեր #ժառանգությունն #այդքան #աղքատ
