6.8 մագնիտուդով երկրաշարժ է տեղի ունեցել Պապուա նահանգում 21 կիլոմետր խորության վրա, հայտնում է Ինդոնեզիայի սեյսմոլոգիական և օդերևութաբանական գործակալությունը։

«Երկրաշարժի էպիկենտրոնը գտնվել է Սարմիից (Պապուա) 61 կիլոմետր հյուսիս-արևմուտք։ Երկրաշարժի խորությունը կազմել է 21 կիլոմետր», – ասվում է գործակալության հաղորդագրության մեջ։

Երկրաշարժի հետևանքով զոհերի կամ ավերածությունների մասին տվյալներ չկան։