Իսպանիայի հարավում գտնվող Գրանադա քաղաքի Սանտա-Կրուս-լա-Ռեալ եկեղեցում Սուրբ Մարիամ Աստվածածնի կերպարից գողացվել է առնվազն 18 ոսկերչական զարդ։ Այս մասին հայտնում է El Español թերթը։

Պարզաբանվում է, որ գողացված բոլոր զարդերը եկեղեցուն նվիրաբերել էին հավատացյալները։

Դեպքի վայրում տեղադրված են եղել տեսախցիկներ, և իրավապահները վերլուծում են դրանց ձայնագրությունները։ Հայտնի է, որ ձայնագրություններում ֆիքսվել է երկու տղամարդ՝ բաց դեմքերով։

«Դեպքի մասին արդեն տեղյակ է ոստիկանությունը, որի հետ համատեղ աշխատանք է տարվում»,- գրում է թերթը։

Հայտնի է դարձել նաև, որ ԱՄՆ Կալիֆոռնիայի թանգարանից անհայտ անձինք գողացել են ավելի քան հազար արտեֆակտ, ներառյալ բնիկ ամերիկացիների զամբյուղները, ոսկերչական զարդեր և այլ արժեքավոր իրեր։

Ֆրանսիայում ձերբակալվել է յոթ մարդ, ովքեր կասկածվում են Լուվրի կողոպուտի մեջ։ Երկուսը քրեական անցյալ ունեն, իսկ մեկը փորձել է փախչել երկրից։ Հետաքննության տակ է հայտնվել նաև մի թիկնապահ, որի հեռախոսում գտել են ենթադրյալ գողերից մեկի հետ նամակագրություն։ Գողացված թանկարժեք իրերը դեռ չեն գտնվել։