Իտալական Nonewsmagazine հանդեսը հոդված է հրապարակել Հայաստանի մասին՝ այն վերնագրելով «Փոքրիկ երկիր՝ մեծ մշակութային ժառանգությամբ»։

Հեղինակները գրել են, որ Հայաստանով ճամփորդությունը հիշեցնում է բաց երկնքի տակ թանգարանում զբոսանք, որտեղ հին ճարտարապետությունը, նկարչությունն ու հոգեւոր խորությունը ստեղծում են անմոռանալի տպավորություններ։ Լրագրողները խորհուրդ են տալիս տուրիստներին անպայման այցելել հայկական քրիստոնեության հոգեւոր կենտրոն Էջմիածին, ինչպես նաեւ այլ տեսարժան վայրեր՝ Գառնի, Գեղարդ, Սանահին, Հաղպատ, Խոր Վիրապ ու Նորավանք։ Հատկապես մեծ տեղ են հատկացրել Արենիի քարանձավին, որը համարվում է գինեգործական հնագույն քարանձավն աշխարհում։