Հոկտեմբերի 5-ից 14-ը Վրաստանի Բաթումի քաղաքում կանցկացվի 2025 թվականի շախմատի Եվրոպայի թիմային առաջնությունը: Այդ մասին հայտնում են Հայաստանի շախմատի ֆեդերացիայից։

Հայաստանի տղամարդկանց հավաքականի կազմում հանդես կգան Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը և Արամ Հակոբյանը: Հավաքականի մարզիչն է Արման Փաշիկյանը:

Կանանց հավաքականի կազմում հանդես կգան Մարիամ Մկրտչյանը, Լիլիթ Մկրտչյանը, Մարիա Գևորգյանը, Էլինա Դանիելյանը և Սուսաննա Գաբոյանը: Հավաքականի մարզիչն է Զավեն Անդրիասյանը:

Մեկնարկային աղյուսակում Հայաստանի տղամարդկանց հավաքականը 40 թիմերի մեջ վարկանիշով 6-րդն է, իսկ կանանց հավաքականը 36 թիմերի մեջ՝ 8-րդը։