Բնականաբար ունեցել ենք ահազանգ բժշկական կենտրոնից, որ երեխան տեղափոխվել է բժշկական կենտրոն, մեր իրականացված օպերատիվ աշխատանքի արդյունքում պարզել ենք, որ ոչ թե պատահականության արդյունք է եղել տեղափոխումը, այլ կոնկրետ դիտավորյալ արարքի հետևանք է։ Այս մասին, այսօր՝ մարտի 17–ին, NEWS.am-ի հետ զրույցում նշել է ՆԳ նախարար Արփինե Սարգսյանը՝ անդրադառնալով նախօրեին 1 տարեկան 2 ամսական տղա երեխայի նկատմամբ բռնություն գործադրելու դեպքին։Անմիջապես հաղորդում է ուղարկվել նախարարության կողմից քննչական կոմիտե, նախաձեռնվել է սպանության փորձով վարույթ և այն անձը, ով մեր տվյալներով կասկածվում է այդ արարքի կատարման համար, անմիջապես ձերբակալվել է և հանձնվել է քննչական կոմիտե։ Խոսքը խորթ մոր մասին է», – ասաց նա։Ավելի վաղ, NEWS.am-ը հայտնել էր, որ այսօր՝ մարտի 16-ին, արտառոց դեպք է տեղի ունեցել Արարատի մարզում։ Կեսգիշերից անց «կլինիկական մահ» ախտորոշմամբ Երևանի «Արաբկիր» բժշկական կենտրոն է տեղափոխվել տղա երեխա։

Արաբկիրի ոստիկանները պարզել են, որ հիվանդանոց տեղափոխվածը 1 տարեկան 2 ամսական Ալեքսան Մ.-ն է և ըստ օպերատիվ տեղեկությունների՝ երեխային ծեծի է ենթարկել ծնողներից մեկը։

NEWS.am-ի տեղեկություններով, երեխայի նկատմամբ բռնություն է կիրառել նրա խորթ մայրը։

Տեսանյութը՝ ստորև․

Քննչական կոմիտեից հայտնել են, որ երեխայի նկատմամբ բռնություն կիրառելու դեպքի առթիվ ՀՀ քննչական կոմիտեի Երևան քաղաքի քննչական վարչությունում սպանության փորձի հատկանիշներով։ նախաձեռնվել է քրեական վարույթ: Նախաքննության ընթացքում 1 անձ ձերբակալվել է:

Տեսանյութը՝ ստորև․