ՔԺԿ նախագահ, քաղաքագետ Լևոն Շիրինյանի կարծիքով՝ գողապետության շրջանի երեք ղեկավարներին պետք չէ նախագահ անվանել: «Նրանք ՀՀ նախագահները չէին, մեր ժողովրդի տառապանքի, կողոպուտի, պարտության խորհրդանիշներն էին՝ ի հաճս Ռուսաստանի։ Լևոն Տեր-Պետրոսյանը՝ Ելցինի գծով, մյուս երկուսն՝ այս մեկի»,- Civic.am-ի տաղավարում հայտարարեց նա։

Ըստ մեր զրուցակցի՝ Ռուսաստանն ուզում է ոչնչացնել Հայաստանի պետականությունը, իսկ, այսպես կոչված, նախկին ղեկավարները դա չեն գիտակցում. «Կրեմլում մշակել են մի ստրատեգիա, որ Հայաստանն անընդհատ ապակայունացնեն, այսինքն՝ կայուն դարձնեն ապակայունությունը։ Մենք պերմանենտ ապակայունության մեջ ենք՝ Պողոսը տապալվում է, Պետրոսին են բերում, նա էլ տապալվում է, մի արքեպիսկոպոս են բերում, նա էլ տապալվում է, Մոսկվայում մեկը անձնագիր է պատռում գալիս, հետո դեղինները, հետո Սամոն է խոպան գալիս»։

Շիրինյանի դիտարկմամբ՝ ՌԴ-ի թիրախը վարչապետն ու իր ընտանիքն են, և հենց դրա համար էլ Կրեմլի հովանու ներքո գտնվող ուժերը նման հակաքարոզչություն են անում. «Տարօրինակ է, որ Կոպիրկինը հայտնվում է Լևոն-Տեր-Պետրոսյանի տանը։ Հարց եմ տալիս՝ այդ կոնսպեկտները ձեզ Կոպիրկի՞նն է տալիս։ Հասարակությունն իր գնահատականը տվել է՝ այս պետության հետ կապ չունեցող ճգնաժամի կազմակերպիչ, Ռոբերտ Քոչարյանին բերող անձ»։

Շարունակելով՝ մեր զրուցակիցն ասաց. «Հիմա էլ Կիրիենկոն մատի շարժումով՝ արա, հլը արի ստեղ ասելով՝ Մոսկվա է կանչում Քոչարյանին։ Քանի որ կբռնվի՝ չի կարող գաղտնի գնալ, տարածում են, թե հասել է Կրեմլի պատերի տակ, Կիրիենկոյի հետ անձնական հանդիպում է ունեցել։ Ժողովրդի՞ն են միամիտի տեղ դրել։ Ես մտածում եմ, որ փոքրիկների խաղալիքների նման՝ Կիրիենկոն ծրագրեց, լարեց, բաց թողեց Հայաստան։ Մոսկվան իր մարդկանց միջոցով մեր երկրի ներքին ու արտաքին կյանքը փորձում է ապակայունացնել»,- նկատեց նա։

Հարցազրույցն ամբողջությամբ՝ տեսանյութում