ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանի հետ զրուցել ենք Հովհաննավանքում Տեր Արամի մատուցմամբ պատարագի, Տեր Արամին կարգալույծ հռչակելու և Կտրիճ Ներսիսյանի հրաժարականի ու Մայր Աթոռի հայտարարությունների մասին։

Պատգամավորը նշեց, որ իր համար եկեղեցին պղծվում է, երբ ամենաբարձր եկեղեցական պաշտոն ունեցող, կաթողիկոս կարգված մարդը բացարձակ չի համապատասխանում իր պաշտոնին, խոսքը կուսակրոնության ուխտը խախտելու մասին է։

«Կտրիճ Ներսիսյանը նախևառաջ խաբել է Աստծուն, իր հավատացյալներին, ենթադրում եմ՝ նաև շատ հոգևորականների՝ պնդելով, որ ինքը կուսակրոն է, սակայն չես կարող կուսակրոն լինել և զավակ ունենալ։ Հետևաբար այն պղծությունը, որը կատարել է Կտրիճ Ներսիսյանը, նախ պետք է վերաօծել, հետո անցնել այլ հարցերի քննարկմանը։ Իսկ ինչու չի քննարկվում այս հարցը եկեղեցական խորհրդում, ժողովում, որում պետք է նման հարցերը քննարկվեն, որովհետև եթե այս հարցը քննարկվի հասարակության մեջ, լայն հասարակության մեջ, ապա նրանք կբախվեն շատ ակնհայտ փաստին, և այդ վայրկյանից սկսած գոնե Կտրիճ Ներսիսյանն այլ ելք չի ունենա, քան լքել վեհարանը»,- ասաց պատգամավորը։

Խոսելով նաև վարչապետի՝ Կտրիճ Ներսիսյանին վերաբերող ֆեյսբուքյան գրառման մասին, որում վարչապետը գրել էր՝ «Պղծության չեմպիոնը աղոթքը պղծություն է որակել», պատգամավորն ասաց՝ բնական է, որ չեն հասկանում դա, որովհետև եթե նրա համար պատարագը, աղոթքը կարևոր լինեին, նախևառաջ չէր պղծի դա։

Մանրամասն՝ տեսանյութում