«Ուզում եմ անդրադառնալ ձևավոր շարժում էր կոչվում այդ շարժմանը: Ասում է՝ Գեղարքունիքի մարզում ամեն երկրորդ քաղաքացին աղքատ է, եթե աղքատ է, ուրեմն ըստ էության, մեղավորը մենք ենք, որովհետև մի 30 տարի է՝ մենք ենք երևի իշխանության: Ուզում եմ հիշել մեր նախկին գործընկերոջը՝ Սեյրան Սարոյանին, ասում էր՝ մի կնոպկա էլ եկեք սեղմենք ժողովրդի օգտին ինչ-որ բան քվեարկենք, այդ ժամանակ այդ ձևով շարժման առաջնորդի ծնողն այստեղ պատգամավոր էր»,- ԱԺ նիստում ասաց ՔՊ խմբակցության պատգամավոր Նարեկ Գրիգորյանը:

Գրիգորյանն անդրադառնալով հրավիրված լսումներին և ընդդիմադիրների ելույթներին՝ նշեց. «Ես ուզում եմ անդրադառնալ Շարմազանով Էդոյին, լսումներին այստեղից ասում է վարչապետ Նիկոլ Փաշինյանը մեզ ասում էր ծուռվիզ քաղաքականություն եք վարում, ես ասում եմ, այո՝ դուք ծուռվիզ քաղաքականություն վարել եք, վարում եք: Հիմա ծուռմեջք քաղաքականություն եք վարում «կզած» ժողովրդից քվե եք մուրում՝ մտածելով, որ ժողովրդի հիշողությունը կարճ է: Ասում են՝ պետք է իմպիչմենթ լինի, որ մենք գնանք ընտրությունների, երևի իրենց քաղաքական պապային՝ Սերժիկին, չեն հարցրել, որ իրենց սովորեցնի, ասի ՀՀ-ում փակված է կաշառքով ընտրության էջը, ընտրախախտումներով ընտրության էջը: Ձեր կուսակցականները ոջլոտ գայլի պես ոչխարի մորթի հագած ծվարած են մեր մեջ ու ձեզ հայհոյում են, որպեսզի մեր աչքին բարձրանան: Ժողովուրդը ձեզ մերժել է, ժողովուրդը ձեզ Աշոտյան է արել ու հույս չունենաք, որ հետ եք գալու»: