Սեպտեմբերի 28-ին Կոտայքի մարզի Մարմարիկ գյուղում տեղի ունեցած ողբերգության մասին Oragir.News-ին մանրամասներ է հայտնել գյուղի վարչական ղեկավար Արթուր Քարամյանը։

«37 տարեկան էր։ Ամուսնացած էր, երեխա ուներ, նոր ծնված. 40 օրականը երեկ էր լրացել։ Թե ինչպես է տեղի ունեցել դեպքը, տեղյակ չեմ։ Նա մեր գյուղից էր, բայց ընտանիքի հետ միասին ապրում էին Ջրառատ գյուղում»,- ասաց նա։

Վարչական ղեկավարի խոսքով՝ Սոցիալական վիճակից գանգատներ չեն ունեցել, իր քրտինքով աշխատող, ընտանիքը պահող մարդ է եղել։ Քարամյանը նշեց նաև, որ մահացողն իր հորաքրոջ տղան էր։

«Միասին էինք մեծացել՝ եղբայրների նման»,- եզրափակեց նա։

Հիշեցնենք, որ սեպտեմբերի 28-ին, արտակարգ ու ողբերգական դեպք է տեղի ունեցել Կոտայքի մարզում։ Ժամը 19։50-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մարմարիկ գյուղում վերամբարձ կռունկը ընկել է կռունկավարի վրա և անհրաժեշտ է փրկարարների օգնությունը։