Հարություն Մկրտչյանը գրել է․

Քաղաքական հայտարարություն

Հարգելի Հայրենակիցներ ,
Վաղարշապատ խոշորացված համայնքի հարգելի բնակիչներ ,
Տեղեկացնում եմ ձեզ , որ կայացրել եմ որոշում մասնակցելու Նոյեմբերի 16-ին կայանալիք Վաղարշապատ խոշորացված համայնքի ավագանու ընտրություններին։
Գլխավորելու եմ համոզված ԱՆԿԱԽԱԿԱՆ <<Հանրապետություն>> կուսակցության ցուցակը ։
Ունեմ հստակ քաղաքական նպատակներ, գիտեմ դրանց հասնելու ուղիները :
Աղբահանությունը , ասֆալտապատումը, ներդրումների հոսքի ապահովումը , համայնքային բյուջեի ճիշտ բաշխումը , մաքրությունը , լուսավորությունը , մանկապարտեզների խաղահրապարակների,բակերի թվի ավելացումը , մշակութային կյանքի կազմակերպումը եւ ողջ այս ստանդարտ փաթեթը խոստումներ են , որոնք ամոթ է տալը քաղաքացիներին եւ սահմանելը որպես համայնքապետի գերակա գործառույթ , քանզի դա ցանկացած համայնքապետի ուղիղ պարտականությունն է , ոչ թե բառերի կախարդական տրցակ , լավություն ու բարեհաճություն …
Ես ունեմ ծրագրեր , որոնք կոտրելու են ստանդարտները, ցույց են տալու , թե ինչ է իրական քաղաքական մշակույթը, պրոֆեսիոնալիզմը, արդյունավետությունը , արագությունը , որակը , սրտացավությունը , անհատների ներուժի էֆֆեկտիվ օգտագործումը ,
Սահմանելու եմ չափազանց բարձր նշաձող, թե ինչպիսին պիտի լինի քաղաքական էթիկան , գաղափարական մրցակցությունը , բովանդակային պայքարը ։
Որպես թեկնածու թույլ չեմ տալու հետհեղափոխական Հայաստանում սկիզբ առաջ ժողովրդավարական ռեգրեսը , հակակոռուպցիոն պայքարի ռեգրեսը , քաղաքացու ընտրական իրավունքի իրացման վրա ճնշման փորձերը , նախկին արատավոր բարքերի վերադարձը ,<<Գյումրի 2 >> սցենարի իրագործումը,
Որպես համայնքապետ թույլ չեմ տալու, որ երբեւէ որեւէ քաղաքացի փոշմանի անվանս առաջ դրած մակնշման համար ։
Ծառայելու եմ ամենքին `անկախ քաղաքական տեսակետներից ,
Ծառայելու եմ Հայաստանի Հանրապետության ԱՆԿԱԽՈՒԹՅԱՆ գաղափարին , դրոշին , գերբին,
Ծառայելու եմ Վաղարշապատը Արարատյան չքնաղ Վատիկանի վերածելու բաղձալի նկրտմանը, որն այլեւս նպատակ է ։
Հայցում եմ իմ գաղափարները կիսող բոլոր հայրենակիցներիս,բոլոր համաքաղաքացիներիս աջակցությունը ,
Շնորհակալություն եմ հայտնում <<Հանրապետություն>> կուսակցությանը `Արամ Զավենի Սարգսյանի գլխավորությամբ բարձր վստահության համար ։
Դեհ` առաջ …
01.10.2025, Վաղարշապատ