«2021 թվականին Քոչարյանն ըստ իր սոցիոլոգիական տվյալների, իրեն արդեն վարչապետ էր կարգել, տեսախցիկների առաջ բերանը ծռելով ասում էր՝ կռելու ենք, կռե՞ց, ասում էր մինչը քոքը մըշըցնելու ենք, մըշըցրե՞ց թե մաշվեց»:

Այս մասին Հանրային ՀԸ եթերում ասաց ՀՀ վարչապետի աշխատակազմի ղեկավարի տեղակալ Տարոն Չախոյանն՝ անդրադառնալով սոցհարցումների տվյալներով Քոչարյանի ունեցած վարկանիշին:

«Ես ասեմ Ռոբերտ Քոչարյանին, իր թիմակիցներին և բոլոր նրանց, ովքեր ասոցացվում են Քոչարյանի հետ, 2026 թվականին շատ ավելի տխուր արդյունքներ են սպասվում»,- ասաց Չախոյանը:

Տարոն Չախոյանն անդրադարձավ նաև «Մեր ձևով» շարժման դեմքերին և նրանց հայտարարություններին:

«Ասում են մենք սկսում ենք ապաքաղաքական շարժում, որ հետագայում մասնակցենք ապաքաղաքական պրոցեսների: Սա մանկապատանեկան մանրապատո՞ւմ է, կամ ո՞նց եք պատկերացնում իրենց լիդերը, տաշիր Սամոն, մի անգամ սխալվեց, տեսախցիկի առաջ ասեց «մեր ձևով», հիմա ազգուտակով հավաքվել, խառնվել են իրար, թե ոնց հանրությանը բացատրեն, թե ինչ է նշանակում էդ «մեր ձևով»-ը: Մեկն ասում է դա ազատության սլոգնն է, էն մյուսն ասում է նշանակում է հայավարի, էն 3-րդն ասում է «մեր ձևով» նշանակում է թասիբով:

Երեխեք, մի հատ կողմնորոշվեք, դուք դրա տակից նույնիսկ դուրս չեք գալիս: Էդ ծանր պատասխանատվությունն ինչի են դրել էդ երեխեքի վրա, էդ շրջապատում մի ծանրակշիռ քաղաքական գործիչ չկա՞ր, նրա վրա դնեին:

«Մեր ձևով» շարժման կազմակերպիչներին առաջարկում եմ էդ ծանր պարտականությունը էդ երիտասարդների վրայից հանել և պատվիրակել Կտրիճ Նեսիսյանին: Նրան կարգեն իրենց քաղաքական առաջնորդ, որովհետև Կտրիճ Ներսիսյանը շատ ավելի մեծ քաղաքական փորձառություն ունի, լիքը քաղաքական պրոցեսների է մասնակցել, տարիների փորձ ունի»,- ասաց Չախոյանը: