«Ոչ ես եմ ռոմանտիկ, ոչ՝ Վահագնը: Մենք նոր էինք ընկերություն անում, Արմուշենց հարսանիքի ժամանակ ասաց՝ ես քավորն եմ, դու կլինես քավորկինը: Բայց ոչ մի լուրջ խոսակցություն դեռ չկար:

Վահագնի մեջ ես շատ գնահատում էի իր համեստությունը: Տղամարդու համեստությունն ու խոհեմությունը բխում է իր ուժից: Նա ներքին ուժ ունի, որը տեսանելի չէ: Իսկ ես սիրում եմ վստահելի մարդկանց: Կարևոր է ճիշտ ընտրություն անել: Ոչ մի դասագիրք չկա, որտեղ գրված է՝ սա ճիշտ է, սա՝ սխալ, բայց, երբ կյանքդ կապում ես տղամարդու հետ, պետք է վստահ լինես, որ նա արժանի է դրան ու կարող է քո հենարանը լինել բոլոր հարցերում:

Վեճեր ունենում ենք, բայց դրանք կենցաղային չեն, որովհետև դա կսպանի ընտանիք հասկացողությունը: Մեզ մոտ լինում է վեճ՝ գործունեության շուրջ: Մենք երկուսս այնքան զբաղված ենք, դրա ժամանակը չկա, որ կենցաղը բերենք մեր հարաբերությունների մեջ: Մենք առավոտից երեկո աշխատում ենք, ստեղծագործում ենք»,- «Սրտի տանիքներով»- հաղորդման շրջանակներում պատմել է պարուհի Իռեն Ուլիխանովան: