«Շատ կարճ ժամանակահատվածում հայերը և ադրբեջանցիները առևտուր են անելու իրար հետ, մենք ունենալու ենք միասնական շուկա՝ հայ-ադրբեջանական ապրանքների։ Մեր խանութներում լինելու են ադրբեջանական ապրանքներ, իսկ հայկական ապրանքները Բաքվի և մնացած քաղաքների խանութներում»,- ճեպազրույցի ժամանակ հայտնել է ԱԺ նախագահ Ալեն Սիմոնյանը՝ անդրադառնալով հայ-ադրբեջանական ժողովուրդների շփումներին։ Սիմոնյանն ընդգծել է, որ հայերի և ադրբեջանցիների շփումը անխուսափելի է։ «Հայերը գնալու են ավելի էժան բենզին առնեն, գան»,- հավելել է Սիմոնյանը։