Ֆրանսիայի նախագահ Էմանուել Մակրոնը չորեքշաբթի երեկոյան շատ կարևոր հայտարարություն կանի։ Այս մասին հայտնել է Le Figaro-ն՝ հղում անելով աղբյուրներին։

Թերթի տվյալներով՝ պետության ղեկավարը այս հայտարարությունը կանի 48-ժամյա ժամկետից հետո, որը նա տվել էր հրաժարական տված վարչապետ Սեբաստիան Լե Լեկորնյուին՝ քաղաքական կուսակցությունների հետ ներկա ճգնաժամից դուրս գալու ուղիների շուրջ խորհրդակցելու համար։

Թերթը նաև չի բացառել Ազգային ժողովի (Ֆրանսիայի խորհրդարանի ստորին պալատի) լուծարման հնարավորությունը։

Դրա մասին, ենթադրաբար, վկայում են Մակրոնի Սենատի խոսնակ Ժերար Լարշեի և Ազգային ժողովի նախագահ Յաել Բրոն-Պիվետի հետ ունեցած հանդիպումները։

Նման խորհրդակցությունները նախատեսված են Ֆրանսիայի Սահմանադրության 12-րդ հոդվածով՝ մինչև ստորին պալատի լուծարումը։