«Քաղաքացիական պայմանագիր» խմբակցության պատգամավոր Արփի Դավոյանը սոցցանցի իր էջում անդրադարձել է Սամվել Կարապետյանի եղբորորդու՝ Նարեկ Կարապետյանի վերջին հայտարարություններին:

«ՀԷՑ-ի վարույթի վերջնաժամկետի մոտեցմանն ընդառաջ` նորահայտ քաղաքական գործիչ, գործարանագետ և տնտեսության մեծ մասնագետ Նարեկ Կարապետյանը հիշեց էլեկտրաէներգիայի սակագնի մասին։

Հիշեց, որ ամռանը դիմել են ՀԾԿՀ սակագնի վերանայման համար, սակայն չհիշեց, թե ինչ հիմնավորմամբ են մերժման պատասխան ստացել։ Չհիշեց, որ բոլոր հաշվարկների արդյունքում սակագինը կարող էր լավագույն դեպքում նվազել ընդամենը 0,2 դրամ։

Հասկանալի է, թե ինչու հարգելի Նարեկը այս պատմության մասին հիմա է հիշել, և, քանի որ շոուն շարունակվում է, որոշել է վաղն էլ դիմել ՀԾԿՀ` նույն առաջարկով։

ՀԷՑ-ի վերաբերյալ վերջին ամիսներին բացահայտումները, խայտառակ չարաշահումները, անբարեխիղճ աշխատանքը որևէ կերպ չմեկնաբանող Նարեկ Կարապետյանին ավելի հարմարավետ է մնալ մանիպուլյացիաների դաշտում և փորձել քաղաքացիների մոտ բարի և հոգատար կերպար ստեղծել` այս անգամ էլեկտրաէներգիայի սակագնի հաշվի։

Բայց քանի որ ՀԷՑ-ի վարույթի վերջնաժամկետն է մոտնենում, իսկ ոչ շատ հեռու ապագայում խորհրդարանական ընտրությունները… ամեն ինչ պարզ է»,- գրել է Դավոյանը։