Գյումրու ավագանու «Քաղաքացիական պայմանագիր» խմբակցությունը հարգանքի տուրք է մատուցել 2020 թվականի հոկտեմբերի 4-ին հրթիռակոծության հետևանքով զոհված ոստիկանների հիշատակին:

«2020 թվականի հոկտեմբերի 4-ին հրթիռակոծության հետևանքով զոհվեց ոստիկանության 27 ծառայող:

Մեր հայորդիները նահատակվեցին հանուն այսօրվա ազատ, անկախ, ինքնիշխան և սեփական ոտքերի վրա ամուր ու աներեր կանգնած Հայաստանի Հանրապետության, հանուն իրենց և բոլորի զավակների արժանապատիվ կյանքի:

Նրանք ընկան, որ Հայաստանի բոլոր քաղաքներում և գյուղերում կյանք, լույս ու գույն լինի:

Գյումրին այսօր իր տոնն է նշում՝ պայծառ ու հավատով լի, որ ապագա կա, և ամեն ինչ է՛լ ավելի լավ է լինելու»,- ասված է խմբակցության սոցցանցի էջում: