Ինչպես ավելի վաղ հայտնել էր ՀՀ հակակոռուպցիոն կոմիտեն, ոստիկանության պաշտոնատար անձինք մեղադրվում են հափշտակության և պաշտոնեական կեղծիք կատարելու համար. 5 անձի վերաբերյալ քրեական վարույթն ուղարկվել է դատարան:

ՆԳՆ-ն հաղորդագրություն է տարածել, որում ասված է.

«ՆԳՆ ներքին անվտանգության և հակակոռուպցիոն վարչության ծառայողների օպերատիվ-հետախուզական միջոցառումների շնորհիվ ստացված տեղեկությունների հիման վրա վարչությունում նշանակվել է ծառայողական քննություն, ենթադրյալ հանցագործության վերաբերյալ ձեռք բերված ապացույցներով կազմված փաստաթղթերը քրեադատավարական որոշում կայացնելու նպատակով ուղարկվել են Հակակոռուպցիոն կոմիտեի մեր գործընկերներին։

ՆԳ նախարարությունը համակարգում ենթադրյալ հանցանքների բացահայտման և դրանց քրեաիրավական գնահատական տալու ուղղությամբ միջոցառումները հետևողականորեն շարունակելու է»։