ՀՀ ոստիկանության տեղեկություններով հոկտեմբերի 30-ից 31-ը բացահայտվել է 88 հանցագործություն, որոնցից 2-ը՝ նախկինում կատարված:

Տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու 39 դեպք է բացահայտվել։
Թմրանյութի հայտնաբերման՝ 7 դեպք, խարդախության՝ 6, մարմնական վնասվածք պատճառելու, անձնական ունեցվածքի գողության՝ 5-ական դեպք, ֆիզիկական ներգործության և հոգեկան ներգործունեության՝ 3–ական, զենք-զինամթերքի առգրավման, ծառերը-թփերը ապօրինի հատելու, փաստաթղթեր կեղծելու՝ 2-ական դեպքեր։

Բացահայտվել է նաև ավտոմեքենայի գողության, ապօրինի ձեռնարկատիրական գործունեության, գույքը ոչնչացնելու կամ վնասելու, խուլիգանության, սպանության նախապատրաստման, սառը զենք կրելու և այլ դեպքեր։
Նախկինում կատարված հանցագործություններից բացահայտվել է անձնական ունեցվածքի գողության 2 դեպք։

Նաև հայտնաբերվել է 6 հետախուզվող, կամավոր ներկայացել է 2-ը։ Հայտնաբերվել է 1 անհետ կորած։ Գրանցվել է զենք-զինամթերքը կամավոր հանձնելու 7 դեպք։

Անցած 1 օրում գրանցվել է 17 ավտովթար, 19 մարդ ստացել է մարմնական վնասվածքներ։