Հրապարակված տեսանյութը ակնհայտ է դարձնում, որ մեր հանրային կյանքում դեռևս առկա են մարդասպանության եղանակով ինչ-ինչ հարցեր լուծելուց ձեռնպահ չմնացող մարդիկ։ Բռնությունը ու բռնությամբ հարցեր լուծելը չպետք է տեղ ունենան մեր երկրում ու հասարակության մեջ՝ կլինի իշխանությունը զավթելու մտադրություն, քաղաքական հակառակորդին չեզոքացնելու մտադրություն թե կենցաղային հարցերով ծագած վեճ։

Եթե չենք ցանկանում առաջիկա շրջանում, որը լի է լինելու տարատեսակ լարվածություններով, ունենալ բռնության այլ՝ նորանոր դրսևորումներ, այս հանցագործությունը պետք է օր առաջ բացահայտվի։

Նկատելի է, որ կատարված զազրելի հանցագործությունը դատապարտում են քաղաքական սպեկտրի ամենատարբեր հատվածներից՝ դիմադիրից մինչև ընդդիմադիր ու ռադիկալ։ Բայց մինչ հայտարարությունների հռավարությամբ տեղի ունեցածը որևէ մեկի ընդհանուր կամ մասնավոր «պատասխանատվության» ներքո տեղավորելը, կարևոր է, որ ամեն մեկը ետ շրջվի ու հիշի, թե ում ֆիզիկական մահն է տենչացել, ում հանդեպ է ինքը բռնության ու ատելության կոչեր արել ու փորձել ատելության մթնոլորտ ձևավորել, որն իր հերթին է փոքրիշատե նպաստել նրան, որ դեռևս մեզ անհայտ ինչ-որ մեկը կամ մարդիկ ինչ-որ խնդիր լուծելու համար անվարան ձեռքը տարել են դեպի ձգանը։

Հասարակությունը և պետությունը պետք է մերժի ցանկացած տեսակի բռնություն ցանկացած մեկի հանդեպ՝ անկախ նրա քաղաքական հայացքներից, սոցիալական կամ այլ խմբային պատկանելությունից։

Եթե դա անենք բոլորով՝ կդառնանք պետություն։ Եթե չանենք՝ պարբերաբար բախվելու ենք այսպիսի ցավալի ու ցնցող դեպքերի։