ԱԺ «Քաղաքացիական պայմանագիր» խմբակցության պատգամավոր Նարեկ Գրիգորյանը դատի է տվել «Ժողովուրդ» օրաթերթին՝ պատվին, արժանապատվությանը պատճառված վնասի հատուցման և զրպարտությունը հերքելու պահանջներով։ Այս մասին Civic.am-ը տեղեկացավ «Դատալեքս» հարթակից։

Մեր տեղեկություններով՝ Գրիգորյանի հայցի հիմքում թերթի հրապարակումն է, որտեղ պատգամավորի մասին արտահայտվելիս գործածվել են մասնավորապես «ստախոս», «նախկին ձկնգող», «ինքնավնասումով բանակից փախած» արտահայտությունները։

Պատգաավորը, նշենք, նաեւ 2 մլն դրամ փոխհատուցում է պահանջում։

Նշենք, որ հայցադիմումը Երևանի քաղաքացիական դատարան է մուտքագրվել նոյեմբերի 14-ին, գործով դատավորն է Աշոտ Հովհաննիսյանը։