Դերասան Աշոտ Եդիգարյանն այսօր նշում է ծննդյան 75-ամյակը: Դերասանին տարեդարձի առթիվ շնորհավորել է դուստրը՝ դերասանուհի Իվետա Եդիգարյանը: Նա հայրիկի հետ համատեղ լուսանկար է հրապարակել և գրառում արել.

«Շնորհավոր ծնունդդ, հայրիկ։ Դու իմ կյանքի ամենաուժեղ լույսն ես՝ այն լույսը, որ երբեք չի մարում, նույնիսկ ամենախոր ստվերների մեջ։

Քո խոսքով ես սովորել եմ դիմանալ, քո ժպիտով՝ հավատալ, քո օրինակով՝ ապրել արժանապատիվ։ Թող քեզ կյանքը վերադարձնի այն սերն ու բարությունը, որ սփռել ես ուրիշների կյանքում։ Թող քո օրերը երկարեն՝ խաղաղության, հպարտության ու մեր անսահման սիրով լի»:

Ավելի վաղ, Tert.am Life-ի հետ զրույցում Իվետա Եդիգարյանը պատմել էր նոր՝ «Նմանակները» նախագծի մասին, որն իրականացնում են ԱՄՆ-ում:

Գլխավոր հերոսներին մարմնավորում են Աշոտ Եդիգարյանը, Իվետա Եդիգարյանը, Աշոտ Ղազարյանը, Հայկ Սարատիկյանը, Արթուր Հակոբյանը, Լեյլա Թադևոսյանը:

«Ֆիլմը կատակերգություն է, ամեն եթերաշրջանը բաղկացած է լինելու 16 մասից: «Նմանակները» հոկտեմբեր ամսին կցուցադրվի ARTN հեռուստաընկերությամբ, այն հասանելի կլինի նաև Armflix հարթակում»,- մեզ հետ զրույցում նշել էր դերասանուհին: