«Քաղաքացիական պայմանագիր» խմբակցության պատգամավոր Ալխաս Ղազարյանը ֆեյսբուքյան իր էջում գրել է․

«Քոչարյանը մեկնաբանել է արհեստական բանականության միջոցով գեներացված կեղծ լուսանկարը, որտեղ, իբր, եվրոպական առաջնորդները Թրամփի ընդունարանում նստած սպասում են նրա հետ հանդիպման։ Այս կեղծ պատկերը Քոչարյանը ներկայացրել է որպես իրականություն՝ հերթական անգամ մաղձ թափելով եվրոպական առաջնորդների հասցեին։

Այս ամենը լավագույնս է բնութագրում Քոչարյանին և այն իրականությունը, որի մեջ նա շարունակում է ապրել։

Հայաստանն ու նրա քաղաքացիները ի դեմս Քոչարյանի չեն ունեցել իրական նախագահ․ նա եղել է դրսի դրածո՝ «ֆեյք», արհեստական նախագահ։ Այսօր ևս, ինչպես արհեստական բանականության գեներացրած կեղծ նկարը, նա նույնպես գեներացնում է կեղծ օրակարգեր և իր հրավիրած ասուլիսներում մեկնաբանում է սեփական ձեռքով ստեղծած կեղծ ու արհեստական թեմաներն ու թեզերը։

Այդպես է եղել նաև նրա կեղծ նախագահության բիրտ և հակամարդկային տարիներին»։