Երևանի նախկին քաղաքապետ Հայկ Մարությանը ֆեյսբուքյան իր էջի ուղիղ եթերում հիշեցրել է Հակոբ Կարապետյանի նկատմամբ բռնության դեպքը և դիմել վարչապետ Նիկոլ Փաշինյանին:
     Նա հիշեցրել է, որ Երևան քաղաքի հասարակական կարգի պահպանության պետը սպառնացել է լրագրող Հակոբ Կարապետյանին այնպես ծեծել, որ ինքն իրեն չճանաչի: «Պահանջում եմ, որ այս դեպքը մինչև վերջ բացահայտվի, մեղավորները պատժվեն: Սա արդեն անցնում է բոլոր սահմանները: Նիկոլ Փաշինյան, բացի կրթական, կրոնական, էս վերջերս էլ նաև` թատերական փորձագիտական գործունեությունից խնդրում եմ մեկ-մեկ զբաղվել նաև ձեր ուղիղ պարտականություններով: Կրիմինալը լցվել է պետական կառավարման համակարգ: Ինչի դեմ պայքարում էր ժողովուրդը հեղափոխության օրերին, հիմա նույն բանն անում եք դուք»։