Դատարանը մասնակի բավարարել է Քննչական կոմիտեի միջնորդությունը և 30 օրով երկարաձգել գործարար Սամվել Կարապետյանի խափանման միջոց կալանքը։

Այս մասին լրագրողների հետ զրույցում հայտնել է իրավապաշտպան Արամ Վարդևանյանը:

Հիշեցնենք, որ Կարապետյանը կալանավորվել է իշխանությունը զավթելու հրապարակային կոչի մեղադրանքով։ Նրա կալանքի ժամկետը լրանում է 2025 թվականի հոկտեմբերի 18-ին: Այն երկարաձգելու միջնորդություն էր ներկայացվել դատարան:

Ավելի վաղ հայտնել էինք, որ Սամվել Կարապետյանի մեղադրանքը փոփոխվել է: Ավելացվել են Քրեական օրենսգրքի 296-րդ հոդվածի 3-րդ մասի 2-րդ և 3-րդ կետերը (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով առանձնապես խոշոր չափերով փողերի լվացումը):