Ինչպես հայտնել ենք՝ Լոռու մարզի Տաշիր խոշորացված համայնքի Սարչապետ բնակավայրում սպանություն է տեղի ունեցել, կասկածյալը որոնվում էր:

ՆԳ նախարարությունից «Հայկական ժամանակ»-ի հարցմանն ի պատասխան հայտնել են, որ այսօր առավոտյան Քրեական ոստիկանության Լոռու մարզային վարչության և Համայնքային ոստիկանության Տաշիրի բաժնի ծառայողների համատեղ ձեռնարկված օպերատիվ-հետախուզական միջոցառումների արդյունքում սպանությունը կատարելու մեջ կասկածվող անձը հայտնաբերվել ու ձերբակալվել է։

Նախաձեռնվել է քրեական վարույթ:

Հիշեցնենք՝ դանակահարության հետևանքով մահացել էր երիտասարդ տղա, վեճը կենցաղային բնույթի հարցերի շուրջ է եղել: Մեր տեղեկություններով՝ վիճաբանող 2 կողմն էլ Ղարաբաղից բռնի տեղահանված և Սարչապետում հաստատված երիտասարդներ են: