Թեհրшնում կրկին պшյթյունների ձայներ են լսվել

Թեհրանի կենտրոնական մասում կրկին պայթյունների ձայներ են լսվում, հաղորդում է ռուսական РИА Новости-ն։

Հունիսի 13-ի գիշերը Իսրայելը գործողություն սկսեց Իրանի դեմ՝ մեղադրելով նրան գաղտնի ռազմական միջուկային ծրագիր իրականացնելու մեջ, որը, ենթադրաբար, հասել էր անդարձելի կետի։ Դիվերսիոն խմբերի իրականացրած օդային ռմբակոծությունների և ասպատակությունների թիրախներն էին միջուկային օբյեկտները, գեներալները, ականավոր միջուկային ֆիզիկոսները, ավիաբազաները, հակաօդային պաշտպանության համակարգերը և «երկիր-երկիր» դասի հրթիռները։

Իրանը, որը հերքում է իր միջուկային նախագծի ռազմական բաղադրիչը, պատասխանում է հրթիռային համազարկերով և հարձակողական անօդաչու թռչող սարքերի արձակմամբ։ Թեհրանը պնդում է, որ հարվածների թիրախը Իսրայելի ռազմական և ռազմաարդյունաբերական օբյեկտներն են։ Բնակելի շենքերին հասցված հարվածների և քաղաքացիական անձանց շրջանում զոհերի թիվը երկու կողմերից էլ աճում է։