«Ես հակընդեմ առաջարկ ունեմ, առաջարկում եմ, որպեսզի Սերժ Սարգսյանն ու Ռոբերտ Քոչարյանը հայտարարեն, որ դուրս են գալիս քաղաքականությունից որպես երկար տարիներ ՀՀ-ն կեղեքած կոռուպցիոն համակարգի հիմնադիրներ, ղեկավարներ և նաև ընտրակեղծարարներ»:

Այս մասին Ազգային ժողովում լրագրողների հետ զրույցում ասաց ԱԺ փոխնախագահ Ռուբեն Ռուբինյանը՝ արձագանքելով դիտարկմանը, թե ընդդիմությունը նախաձեռնել է վարչապետին անվստահություն հայտնելու գործընթաց, որին զուգահեռաբար ցուցարարաներ են միացել նաև դրսից պահանջելով, որ «Քաղաքացիական պայմանագիր»-ը հեռանա:

Ռուբինյանը այդ համատքեստում նաև նկատեց. «Առաջարկում եմ, որ Հայ հեղափոխական դաշնակցությունը ինքնալուծարվի, որովհետև դա մի կուսակցություն է, որն իր 004 շրջաբերականով ֆիքսել է, որ իր նպատակնէ ՀՀ անկախությունից հրաժարվելը»:

Լրագրողի դիտարկմանը, թե այդ դեպքում Քաղաքացիական պայմանագիրն էլ կհեռանա, Ռուբինյանն արձագանքեց. «Մենք կհեռանանք իշխանությունից այն ժամանակ, երբ ժողովուրդը կասի, որ այլևս չի ուզում, որ մենք լինենք իշխանությւոն, դրա մեխանիզմը հայտնի է, դա ընտրություններն են»:

Մեկ այլ լրագրողի հարցին, թե Լևոն Տեր-Պետրոսյանն ասել է, որ Նիկոլ Փաշինյանը իր պատվավոր տեղը կունենա դավաճաների շարքում Ռուբինյանը պատասխանեց. «Ես էլ ասում եմ, որ Լևոն Տեր-Պետրոսյանը իր պատվավոր տեղը կունենա մոնղոլ-թաթարական արաշավանքների հրամանատարներ Ռոբերտ Քոչարյանի և Սերժ Սարգսյանի կողքին, որովհետև նրանց պես ընտրակեղծարար է և նրանց պես մեղադրեց Հայաստանին Ադրբեջանի դեմ պատերազմ հայտարարելու մեջ»: